Gjøa var det første fartøy som segla gjennom Nordvestpassasjen. Med eit mannskap på seks, under leiing av Roald Amundsen, nådde skuta Stillehavet i 1906 etter ei reise på over 3 år. 

Den 70 fot store skuta vart bygd i 1872 i Rosendal, Hardanger, og vart dei første 28 åra brukt i fiskeria før Roald Amundsen kjøpte den i 1900 for bruk i arktiske ekspedisjonar. 

Mannskapet på ekspedisjonen var (forutan Amundsen), Helmer Hanssen, Anton Lund, Peder Ristvedt, Gustav Juel Wiik og Adolf Henrik Lindstrøm. 

Gjøa segla ut frå Oslo den 17. juni, 1903, og etter å ha segla mellom fastlands-Canada og sørspissen av Victoria Island nådde Gjøa Nome i Alaska den 31. august, 1906. Den segla så vidare til San Francisco, der den fekk ein storslagen velkomst den 19. oktober same år. 

Under ekspedisjonen gjorde mannskapet blant anna fleire målingar for å bestemme posisjonen til den magnetiske nordpolen. 

Gjøa vart seinare kjøpt av eit Norsk-Amerikansk samfunn og donert til San Francisco by i 1909. Der vart den stilt ut i 
Golden Gate Park. Gjøa vart henta heim til Noreg og vart offisielt overlevert til Norsk Sjøfartsmuseum på Bygdøy i Oslo 17. juli 1972.