Os kommune ligg sør på Bergenshalvøya, der kyst- og fjordlandskapet møtest. Bygda kan by på dei vakraste natur- og kulturopplevingar, og elles dei fleste tenester både fastbuande og tilreisande har bruk for. Som turist i Os kan du oppleva fjorden, elva og fjellet, og ikkje minst eit utruleg vakkert og variert sjølandskap der fjorden og kysten møtest. Du kan rusla i det moderne bygdesenteret, som ber preg av å ha vakse fram frå den gamle strandstaden.